عشم "قصيدة" دارجي
وانا يا عشم عالق
ما بين مشاعر وذكريات
مره وحزينة ومؤسفة
لا قادر افوت حضن الضياع
لا روحي قادرة تقول كفى
تتوسد الأحلام جفافي
وتنشر الحزن الخرافي
على هوامش الأرصفة
ااه يا عشم
يا هم مشبع بالأماني
وبالوهم
والنهايات البتطعن
خاصرة القدر الشجية
يا ريتني لو بقدر اكونك
واجمع شتات نفسي الضنية
يا ريتني لو كنت العدم
والعدم يبقى البدايات الشقية
اصلي كت وقتين بشوفك
بتمنى انو الكون يقيف
واتأملك واعرف متين
تبقي الأمل رغم احتمالات النزيف
واجيك والخطوه تتاقل
مجنزرة بي سلاسل الخوف
أكابد في الضياع واشتاق
وعذر الغيبة برضو ظروف
الا طيفك برضو يحضر
في انعكاس الخندريس
ويبقى عشم اللقيا حاضر
رغم افتراض حظي التعيس
رغم فيضان الضفاف
والغرق عز الخريف
تبقي الحلم في
وسط خذلان الحقيقة
والحقيقة بتبقى زيف
تعليقات
إرسال تعليق